ANGELOPOLIS

I.

ANGELOPOLIS

altera, S. Angelo in Vado, quibusdam castrum S. Angeli Vadani, olim Tiphernum Metaurum dictum, urbs Italiae, in ditione Pontificia et Ducatu Urbinate. Episcopatus eius cum Urbancae Episcopatu unitus est ab Urbano VIII. Vide Tiphernum Metaurum.

II.

ANGELOPOLIS

in America, Los Angeles, vel Puebla de los Angeles, in Nova Hispan. Ab urbe Mexico in Ortum 22. leuc. Hispanic. Aedificata est. A. C. 1531. ab Hispanis in Tlascala provinc. estque Episcopalis sub Archiepiscopo Mexicano.

III.

ANGELOPOLIS

urbs Apuliae Dauniae, in monte Gargano, apud Sipontum, Archiepiscopalis. Altera in Hirpinis Episcopalis vulgo S. Augelo di Lombardi. Tertia in Vestinis, Pinnae proxima. Olim Angolus.